LITANYA NG MAHAL NA BIRHEN: MATER SALVATORIS (Ina ng Mapagadya)

Nuestra Señora de Salvacion
G. Virgilio Bautista

Mater Salvatoris

Sa yungib na dukhang-dukha sa libis ng munting Bayan,

isang SANGGOL na lalake'y mahiwagang isinilang;

sa dilim ng hating-gabi ang anghel ng Kalangitan

ay nanaog at umawit na animo'y nagdiriwang;

sumikat ang isang TALANG pambihirang namamasdan

at sa BATA ang sumamba'y mga pastol, Hari't bayan;

yaong SANGGOL ay si Jesus, Mesiyas ng santinakpan

at ang INA'Y SI MARIA, ang BABAENG matimtiman.

---o0o---

Itong taong nagsuwali... sa sarili'y di na kaya,

na bumangon sa lusak ng masaklap na pagdurusa;

kaya't itong Diyos anak ay sinugo nitong Ama,

upang tayo ay hanguin sa lusak ng mga sala,”

Siya'y JESUS MANANAKOP at maningning na pag-asa,

lalagot sa tanikala ng aliping nagkasala;

yaon po ang KALIGTASANG dahilan ng pagsasaya

sa PAGSILANG ng MESIYAS na Anak ng Birheng Maria.

---o0o---

Ang kaalipinang likha ng sala ng unang tao

ay mapait na pamana sa palad ng buong mundo;

naparam ang katuwang naghari sa paraiso

at kumalat ang karimiang sa tao ay naging multo;

naging sawi at alipin ni Satansa itong tao,

walang laya, api, hamak... poot, lumubay ang natamo;

nang sa Belen itong INA ay nagluwal sa kay Kristo,

ang ligaya'y walang maliw na sa mundo'y nanagano.

---o0o---

Nang matubos ang daigdig... nanauli ang pag-ibig,

nagkasundo itong tao at ang Diyos na tinikis;

nanumbalik ang nawalang matimyas ng pagtangkilik

at inampong anak tayong magmamana niyong langit;

yaong salang dahilan ng kasawiang anong pait,

natabunan ng biyayang sa Kalbaryo ay nakamit;

sa lahat ng gawang ito na hiwaga ng pag-ibig,

ang INA NG MANANAKOP ay kasama bawat saglit.

---o0o---

O INA NG MANANAKOP, - ito'y daigdig na bituin

sa koronang nakaputong sa dangal mo, Inang Birhen!

… pagkat Siya'y Inang tunay, sa pagtubos na gawain,

sapin-saping pagtitiis ang binatang buong giliw;

masasabing siyang INA ay kahati ng tiisin,

ng Anak ng nakabaayubay sa krus ng dusa't lagim;

sa apdo ng paghihirap Siya mandin ay tumikim,

pagkat siya'y Inang unay na may pusong masintahin.

---o0o---

Ang dangal na pagka-Ina ni Jesus na Manunubos

tinumbasan ng tiisin nitong Inang maalindog;

luha, dusa, hirap, lungkot, saklap, pait at himutok

sa buhay ng Birheng Ina'y kinalong sa kanyang loob;

may ngiti at maligayang ang lahat ay inihandog

upang itong mga tao sa sala lang ay masakop;

mulang Belen hanggang oon sa ituktok niyong bundok,

itong Ina ay kasama nitong Anak na si Jesus

---o0o---

…

Sa tiniis nitong Ina at ng Anak na sumakop,

yaong diwang misyonero'y ikintal sa ating loob;

dapat tayong magsumakit, sa kapuwa ay maglingkod,

at tumulong na akiting umibig sa Poong Diyos;

sa Ina ng Mananakop tayong lagi ay dumulog

at tangkilik Niya'y laging sa ating ay itutustos;

O Ina kong mapamihag, kami'y nagbabalikloob,

Iligtas po ninyo kami sa panganib na tibuhos.