Unang
Bahagi: Kasaysayan at Debosyon
Bago
naitayo ang iba pang mga parokya sa bayan ng Hagonoy, lahat ng sakop
ng bayan ay nasa ilalim ng ispiritwal na pamamatnubay ng Parokya ni
Sta. Ana. Kaya naman noong lumang panahon, ang pagdiriwang ng Flores
de Maria
ay nakasentro sa kabayanan. Ito ang dahilan kaya't sa pagdiriwang na
ito isang pampamayanang pagpaparangal ang ginaganap para sa Mahal na
Birheng Maria. At noong panahon na iyon hanggang sa kasalukuyan,
isang antigong imahen ang ginagamit bilang inspirasyon at modelo para
sa diwa ng pagdiriwang. Kinikilala siya bilang ang Nuestra
Señora dela Purissima dela Inmaculada Concepcion dela Asociada o
mas nakilala sa maigsing pangalan na Virgen
dela Asociada. Ito
ang dahilan kung kaya't ang buwanang pagdiriwang ng Flores
de Maria ay
nagiging isang paghahanda para sa kapistahan ng taguring ito ng Mahal
na Ina. Kaya naman ang huling araw ng Linggo tuwing buwan ng Mayo
(kung hindi ito ang huling araw ng buwan, mayroon pang isang
ginaganap na prusisyon sa umaga ng ika-31 ng Mayo) ay tinawag na
Kapistahan
ng Asosyada (ito
ay ang na-corrupt
na tawag sa tamang tawag na dapat ay Asociada o ang asosasyon
samahan, kaya naman pinangangahulugan ang taguring ito na “Birhen
ng Asosasyon/Samahan”).
 |
| Ang Virgen dela Asociada na inilalabas mula sa Pambansang Dambana ni Sta. Ana para sa prusisyon matapos ang naganap na misa noong ika-5 ng hapon. |
Ayon
sa mga matatandang Katoliko ng bayan, naging pagmamay-ari ng Pamilya
Tanjangco (isa sa mga matatandang pamilya ng Hagonoy) ang imahen ng
Virgen
dela Asociada.
Kinikilala ang asociada
bilang pangkalahatang samahan ng iba't-ibang mga kapatiran para sa
Birheng Maria sa Parokya ni Sta. Ana. Ayon din sa kanila, ang
matandang imahen na ito ay napunta sa kanilang pamamahala simula
noong taong 1850. Kung sa gayon ang imahen na ito ay 163 taon na sa
taong ito sa pagdiriwang ng Flores
de Maria.
At kung ito ang ating pagbabatayan, ang pagdiriwang ng Kapistahan ng
Virgen
dela Asociada
na ginaganap tuwing huling Linggo ng Mayo ay nasa kanyang ika-163
taon na rin dito sa Parokya ni Sta. Ana.
Ngunit
bago ang paggamit sa malaking imahen ng Virgen
dela Asociada, mayroon
pang isang mas matanda at maliit na imahen na idinadambana at
pinag-aalayan ng bulaklak araw-araw tuwing buwan ng Mayo. Ang imahen
na ito ay pag-aari rin ng Pamilya Tanjangco. Kung pagbabatayan natin
ang kasaysayan ng ebanghelisasyon ng mga prayleng Kastila, ang
imaheng ito ay maaaring dala pa ng mga misyonerong Agustino, at nang
mas umunlad ang parokya ay nagpaggawa sila ng mas malaking imahen na
kasalukuyang ginagamit. Samakatwid ang tradisyon ng pagpispista ng
Virgen
dela Asociada ay
higit pa sa 163 taon. Muli ang pistang ito ay ginaganap tuwing huling
Linggo ng Mayo.
Bukod
sa kadahilanang ang araw ng Linggo ay araw ng Panginoong Jesu-Kristo,
naging kasanayan na ng mga prayleng Kastila na gawin sa araw ng
Linggo ang rurok ng mga mahahalagang pagdiriwang tulad na lamang ng
Flores
de Maria. Ginagawa
ito sa sa araw ng Linggo upang makibahagi ang
mga magsasaka, mangingisda at mga mamamayan sa mga kaganapan tulad ng
pag-aalay ng bulaklak at prusisyon. Kinikilala ito bilang isang
pamamaraan ng ebanghelisasyon, lalo na sa pagdedebosyon sa Mahal na
Birheng Maria. Ito ang isa sa mga dahilan kung kaya't nakikita ang
pagpapahalaga sa mga tradisyong nagiging tanda ng pagpapalalim ng
ating pananampalataya, lalo na sa pagdedebosyon sa Mahal na Birheng
Maria.
Sa
kasalukuyan patuloy pa rin ang pagdiriwang ng mga mananampalataya sa
buwanang pag-aalay ng bulaklak sa Mahal na Birhen. Sa tradisyon ng
iba't ibang parokya sa bansa, ginaganap ang huling araw sa ika-31 ng
Mayo upang maging kaugnay ito ng Kapistahan ng Pagbisita ng Birheng
Maria kay Elisabet. Ngunit mayroon rin namang ilan na ginagawa ito sa
huling araw ng Linggo ng buwan, kung kaya't ang Kapistahan
ng
Virgen dela Asociada ay
ginaganap sa gayong araw.
Ngunit
bago pa maganap ang araw na ito, mayroong mga pagdiriwang na
isinasaayos ng hermanidad para sa pagpaparangal kay Maria. Una dito
ang taunang Marian
Exhibit na
kung kailan itinitipon ang mga imahen ng mga deboto ng Mahal na Ina
upang magsilbing katekismo para sa mga mananampalataya ukol sa
ehemplo ipinakita ng Mahal na Ina. Ang 10th
Marian Exhibit ay
ginanap sa Gusaling Ka Blas F. Ople sa Sto. Niño, Hagonoy, Bulakan
mula noong ika-18 hanggang ika-24 ng Mayo, mula ika-7 ng umaga
hanggang ika-7 ng gabi. Ang naging tema ng nasabing exhibit
ay
Masumpungan
ang Mukha ni Kristo kay Maria upang
ipakita ang kahalagahan ng Mahal na Ina bilang sumasalamin sa
pagmamahal ni Maria.
Kasama
ng exhibit
na
ito ang pagdarasal ng Banal na Rosario tuwing ika-6 ng gabi na
ginagampanan ng mga kasapi ng hermanidad at ng iba pang mga
mananampalataya. Noong huling araw ng nasabing exhibit,
ginanap
ang Rosario
Cantada na
kung saan umawit ang mga deboto at debota kasama ng mga kasapi ng
hermanidad.
Ipinagdiwang
naman ang Misa
Mayor para
sa Flores
de Maria noong
ika-5 ng hapon noong ika-26 ng Mayo sa Pambansang Dambana sa
pangunguna ni Rdo. P. Juvenson Alarcon, attached
priest sa
parokya at kasama si Rdo. Msgr. Luciano C. Balagtas, P.C., Kura
Paroko at Rektor. Pinangunahan naman ng hermanidad ang mga
pagsasaayos kasama ng Hermana
Mayor sa
taong ito, ang Kgg. Catherine Barcelona – Reyes na taga-Sta. Elena
na naging Kinatawan ng unang distrito ng lalawigan ng Camarines
Norte. Matapos ang nasabing pagdiriwang ng Banal na Misa, ginanap ang
prusisyon ng mga imahen. Itinanghal ang mga imaheng nasa caroza
sa harapan ng St.
Mary's Academy of Hagonoy (SMAH)
kung saan inilalahad ang mga kuwento sa likod ng bawat taguri ng
Mahal na Ina.
Sa
loob ng mga naganap na araw sa buong buwan ng Mayo, lubos na
nagsumikap lahat ng deboto at debota ng Mahal na Ina, lalo na ang mga
kasapi ng hermanidad para sa pagpaparangal na ito sa Mahal na Ina.
Ito ay isang natatanging pamimintuho buhat ng pagmamahal para sa
Mahal na Ina. Dito nakikita ang pagkakaisa nabubuo ng debosyon, ang
pagiging isang asosasyon
na
nasa paggabay ng iisang ina, ang Virgen
dela Asociada.
Ikalawang
Bahagi: Panayam at Prusisyon
Panayam
mula sa Hermanidad
G.
Jose Paulo V. Espinosa
Hermanidad
dela Asociada y delas Flores de Maria de Hagonoy
Legend:
Catholic
Hagonoeño (CH) | G. Espinosa (JPE)
CH:
Ano
po ang temang ginagmit ninyo para sa 10th
Marian Exhibit na
ito ng Hermanidad
dela Asociada?
JPE:
Ang
tema ng 10th
Marian Exhibit ng
Flores de Maria ay “Seeing
the Face of Jesus through Mary” o
sa Filipino ay “Masumpungan
ang Mukha ni Kristo kay Maria.”
CH:
Paano
naman po nabuo ng hermanidad
ang
temang ito para sa exhibit?
JPE:
Ang
pangunahing dahilan ay yung tema ngayong taon ng Simbahang Katolika
na Taon
ng Pananampalataya o
“Year
of Faith.” Dahil
dito sa Hagonoy ay mayroong malalim na debosyon para sa Mahal na Ina,
pinilit namin na mailinya itong 10th
Marian Exhibit sa
ating pagdiriwang na ito. Ito rin ay isang pagtugon sa pag-aayon na
sa pamamagitan ni Maria ay nakikita natin ang kanyang anak na si
Jesukristo. At iyon po talaga ang laman ng ating pananampalataya na
ipinapakita ngayon sa ayos ng ating exhibit.
CH:
Paano
po natin nasasabi na nagbibigay ng paghubog o turo ang gawaing ito sa
mga mananampalatayang Katoliko lalo na dito sa Hagonoy?
JPE:
Sabi
ko nga ay dito sa Hagonoy, aktibo ang ating tinatawag na popular
devotion. At
mula sa popular
devotion na
ito ay magandang paraan para mas mapalapit sa kanilang
pananampalataya ang ganitong uri ng gawain.
CH: Ano
naman po ang masasabi ninyo sa koleksyon ngayong taon ng mga imahen?
Dumami po ba kaysa sa noong nakaraang taon?
JPE:
Itong
mga exhibit
piece ay
sila rin naman ang laging makikita kada taon, pero ang maganda dito
ay nadadagdagan rin ito taun-taon. At saka kung makikita natin ang
mga nagmamay-ari, marami ang mula sa kabataan, mga nasa younger
generation ang
mga may-ari ngayon. At dito wala tayong masasabing “ito ang
paborito kong imahen” dahil lahat sila ay may kanya-kanyang
espesyal na katangian na ipinapakita.
CH:
Ano
naman po ang ating inaasahan para sa exhibit
na
ito lalo na sa mga susunod na mga taon?
JPE:
Bukod
sa mga taun-taong gawain ng Marian
Exhibit bago
ang huling Linggo ng Mayo, sa Kapistahan ng Virgen
dela Associada, mayroon
ring mga debosyong ginagawa. Kasama na dito ay ang ginagawa sa
exhibit
tuwing
hapon kung saan mayroong pananalangin ng Sto. Rosario. Mayroon ring
mga outreach
program para
sa gayon ay malaman ng mga mananampalataya na hindi lang ito tungkol
sa pageantry
kundi
ginagawa ng mga may-ari ng mga poon ang kanilang makakaya upang
mapalapit ang mga mananampalataya sa Simbahan.
Hermanidad
dela Asociada y delas Flores de Maria de Hagonoy
Pambansang
Dambana at Parokya ni Sta. Ana
Kgg.
Catherine Barcelona - Reyes
Hermana
Mayor 2013
G.
Ronald M. Santos
Pangulo
ng Hermanidad
Rdo.
P. Vicente Burayag Lina, Jr. at Rdo. P. Joselito Robles Martin
Mga
Tagapayo
Rdo.
Msgr. Luciano C. Balagtas, P.C.
Kura
Paroko at Rektor
HANAY
NG PRUSISYON NG FLORES DE MARIA 2013
Seriales
Knights
of the Altars c/o Bro. Arvin Kim Lopez
Sta.
Elena
Parokya
ng Sta. Elena
San
Lorenzo Ruiz
c/o
Lectors and Commentators
San
Pedro Calungsod
c/o
PCY and PASKA
Ave
Maria Araw at Bituin
SPPC
San Agustin/ SACS Elem Dept.
Niña
Maria
Familia
Reyes
San
Joaquin
Familia
Martin
Santa
Ana
Bb.
Lhen Calanoc
20
Misteryo ng Sto. Rosario
Sta.
Ana Acolytes c/o Arvin Kim Lopez
Nstra.
Sra. Del Santissimo Rosario
G.
Greg de Lara
Stella
Matutina
G.
Fredrick Fabian
Virgo
Prudentissima
G.
Ranzil Cabigao (Caballero de Santiago)
La
Salette
G.
Nelson Cruz
Nstra.
Sra. Virgen dela Regla
G.
Ato Dalmacio
Nstra.
Sra. de Salambao
G.
Curie Santos
Mater
Amargura
G.
Franz Domingo
Nstra.
Sra. delos Dolores de Turumba
G.
Benjie Guevarra
Reina
del Cielo
G.
Avel Santos
Nstra.
Sra. del Perpetuo Socorro
Bb.
Lhen Calanoc
Dormicion
de la Virgen
G.
Jhapette Raymundo
Rosa
Mystica
G.
Joel Maliwat
Nstra.
Sra. De Desatadora de Nudos
G.
Pepai dela Cruz
Nstra.
Sra. de Providencia
Gng.
Naty Borlongan
Reina
del Cielo y dela Tierra
G.
Ulysses Ernesto Reyes
Nstra.
Sra. de Loreto
G.
Jhoem Eligio
Nstra.
Sra. de Arabia
G.
Derick Fabian
Regina
Martyrum
G.
JV at Gng. Jazz Lopez
Mater
Dolorosa
G.
Warly Bustos at Hykee Perez
Nstra.
Sra. de la Consolacion y Correa
G.
Emerson Bundoc
Nstra.
Sra. del Barangay
G.
Claudia Payongayong
10
SAGALAS
Virgo
Potens
Valerey
Mae C. Maturingan
Virgo
Clemens
Charlene
Gonzales
Virgo
Fidelis
Ma.
Ana Elena Cruz
Regina
Angelorum
Noymi
Martin
Regina
Patriarcharum
Thierish
April Viri
Regina
Prophetarum
Ma.
Naomi Santos
Regina
Apostolorum
Frances
Stephanie Gregorio
Regina
Confessorum
Czyrylle
Jan Bondoc
Regina
Virginum
Ellen
Santos
Regina
Sanctorum Omnium
Daphane
Pangilinan
Nstra.
Sra. Dela Paz y Buen Viaje
G.
Crisanto Domingo
Nstra.
Sra. De los Remedios
G.
Rey dela cruz
Nstra.
Sra. de las Estrellas
Heart
Cayanan
Nstra.
Sra. de Lourdes
Gng.
Malou Vengco
Nstra.
Sra. de Fatima
G.
Tony Gng. Mary Anne Feliciano
Nstra.
Sra. Estrella del Mar
G.
Danny Raymundo
Nstra.
Sra. del Compasion
G.
Dexter Santos
Nstra.
Sra. de las Islas Filipinas
G.
Ramon at Gng. Merlyn Panganiban
Sedes
Sapientiae
Familia
Martin
Nstra.
Sra. del Buena Hora
G.
Boyet at Gng. Sharon Cruz
Nstra.
Sra. de Soledad
Familia
Morales
Nstra.
Sra. de Alegria
Familia
Saguinsin
Mater
Purissima
G.
Berto at Gng. Beth Villanueva
Nstra.
Sra. de la Rosa
G.
Rod at G. Precy Cruz
Nstra.
Sra. Del Santissimo Rosario del Hogar
G.
Edgar at Aio Perez
Nstra.
Sra. de Paloma
G.
Eddie Macale
Nstra.
Sra. de la Leche y Buen Parto
G.
Pinong at Gng. Erly Cruz
G.
Raymundo at Gng. Jorlie Villanueva
Nstra.
Sra. de Salvacion
G.
Jojo Bautista at Pamilya
Nstra.
Sra. de Peñafrancia
G.
Raymond at Gng. Cathy Reyes
Nstra.
Sra. de las Flores
G.
Tinoy at Gng. Lita Coronel
San
Jose, Esposo de Maria
Familia
Liongson
Sto.
Niño, Hijo de Maria
G.
Wawis Carpio
La
Flor de Hagonoy
Bb.
Patricia Manansala
Escort:
Lance Arthur Manansala
La
Bella de Hagonoy
Bb.
Joynie Rein Ramos
Escort:
Nesnel Martin
Rosa
Mystica
Bb.
Lara Venisse Marcelo
Escort:
Viel Marcelo
Estandarte
a la Virgen
Mga
Abay ng Hermana
Hermana
2013
Cong.
Elect Dra. Catherine B. Reyes
San
Pedro Dance Troupe
Ns.
S. de la Purissima de Inmaculada Concepcion de la Asociada, Virgen
Festejada
Familia
Tanjangco sa pangangalaga ni
Rdo. P.
Jay Lina
Banda
ng Musiko
Unang
Bahagi:
Ang
orihinal na pagkakasulat ng artikulong ito ay ayon sa mga isinulat ni
G. Amador Reyes, kasapi ng Hermanidad dela Asociada y delas Flores de
Maria de Hagonoy at aktibong mananampalatya ng Pambansang Dambana at
Parokya ni Sta. Ana, Hagonoy, Bulakan. Taos na pasasalamat din ang
ibinibigay kina G. Ronald M. Santos, pangulo ng hermanidad at G. Jolo
Tamayo, kasapi ng hermanidad para sa kanilang pagtulong sa pagbubuo
ng artikulong ito.
Pangalawang
Bahagi:
Naganap
ang panayam kay G. Jose Paulo V. Espinosa noong ika-21 ng Mayo, 2013
sa Gusaling Ka Blas Ople sa Sto. Niño,
Hagonoy, Bulakan. Taos rin ang pasasalamat na ibinibigay kina G.
Ariel L. Tolentino, G. Arvin Kim M. Lopez, G. Jose Luis V. Carpio, G.
El Gideon G. Raymundo, G. John Andrew C. Libao at G. Kim Eleandre M.
del Pilar, mga kapwa kasapi ng hermanidad at ng staff
ng
Catholic Hagonoeño:
Looking into the Catholic Heritage of Hagonoy, Bulacan, Philippines
sa kanilang pagtulong sa mga gawain.
No comments:
Post a Comment