PAOMBONG CULTURAL SECTION: Ina ng Laging Saklolo, Kami ay Lagi Mong Ipamagitan: Pagdiriwang sa Parokya ni Santiago Apostol

   Ang Ina ng Laging Saklolo (Our Lady of Perpetual Help, Our Mother of Perpetual Help, Our Lady of Succour, Our Mother of Succour) ay isang taguri para sa Birheng Maria. Katumbas din ito ng mga katawagang “Ang Ina ng Perpetwo” (Perpetwa), Ang Ina ng Sokoro. Sa literal na pakahulugan dito, may diwa ang titulo na: "ang Ina ng walang-katapusan at walang-humpay na pagtulong." Inaalala ang kapistahan nito tuwing ika-27 ng Hunyo.

   Kaya muling ipinagdiwang ang Kapistahan ng Ina ng Laging Saklolo sa Parokya ni Santiago Apostol, Paombong, Bulacan sabay ng pagdiriwang ng kanyang karangalan ng buong simbahang Katoliko, na pinagdiriwang ng lahat ng namimintuho sa mahal na Ina ng Diyos. Pinasisimulan ang paghahanda ng kayang pagdiriwang sa pamamagitan ng siyam na Araw na pagnonovena at pakikiisa sa banal na misa na kasama ng mga deboto at mananampalataya na nananalig at umaasa sa kanyang Maka-inang pagmamahal at pagkakandili. Pinangunahan ng aming kura paroko, Rdo.Padre Pros Tenorio ang banal na misa na dinaluhan ng mga mananampalataya at namimintuho sa mahal na Ina, pagkatapos ng banal misa , nagkaroon ng isang munting salo-salo para sa mga susunod sa prusisyon bawat isa ay naging masaya dahil sa pamamaraan na ito naipakita ang pagiging simple ng mahal na Ina dahil sa simpleng kape at tinapay na pinagsaluhan ng bawat mananampalataya nakita sa kanilang mag mukha ang ngiti at saya na nadarama sa oras na iyon bata at matanda ay pawang nakiisa. Nagpasalamat ang Pangulo ng samahan Sis. Winnie Mananzala sampu ng kanyang mga kasamahan, sa lahat ng mga nag-alay sa banal na misa,at sa mga taong nag-kaloob ng taos sa pusong pagtulong at pagsuporta para sa mosiko, sa mga bulaklak ng karo, kandila, at nagpa-almusal.

   Tunay ngang hindi sila pibayaan ng mahal na Ina ng Laging Masaklolo dahil marami ang nakiisa at sumuporta para maisakatuparan ang nasabing pagdiriwang, may nag-donasyon din ng mga bulaklak para sa gayak ng simbahan at may nag-asikaso para naman sa karo ng Birhen.Sabi nga ni Sis.Winnie Manansala marami siyang natutunan at marami siyang naranasan na pangyayari at pagsubok ngunit pinakita lamang daw ng mahal na Ina ng Laging Masaklolo ang kanyang mabathalang pagtulong sa oras ng iyong pangangailangan.Noong malayo layo pa yung araw ng kapistahan hindi sila mapakali dahil hindi nila malaman kung saan nila hahanapin ang pera gagamitin sa nasabing okasyon kaya hindi nila inaasahan na kahit na noong araw na mismo ng kapistahan ay marami parin ang nagbibigay ng tulong, kaya tuwang tuwa sila.dahil doon hindi nila alintana ang pagod na kanilang binata upang maging makabuluhan ang pagdiriwang ng kapistahan ng Ina ng Laging Masaklolo sa bayan ng Paombong. Inang Sakdal Linis Awa mo ilawit. Oh mahal naming Ina ng Laging Masaklolo kami ay lagi mong ipamagitan sa’yong anak na si Jesus na aming Panginoon.

Photo Courtesy: Rev. Fr. Prospero V. Tenorio (Parish of Santiago Apostol)