Sa
maraming mga taguri sa Birheng Ina ng Diyos, mayroong isang hindi
gaanong tanyag, ngunit totoong maganda at sinauna. Ito ay ang kanyang
taguri bilang Nuestra
Señora de Consolacion y Correa.
Ang
Correa
Ang
correa
ay
isang uri ng katad na pamigkis o sintas na isinusuot noon ng mga
kababaihang Hebreo, Griyego at Latino di lamang bilang isang bahagi
ng kanilang kasuotan ayon sa kanilang kaugalian, kundi bilang isang
sagisag din ng malinis nilang kapurihan at iba pang tinataglay na
kagandahang-asal. Ang mga kalalakihan, lalo na ang mga saserdote, mga
propeta at mga hari ang nagsisipagsuot din nito bilang tanda ng
kanilang pagkahirang, pamumuno at karangalan. At maging ang mga
anghel ng Panginoon ay nangakabigkis din ng correa kapag pinagdadala
ng mensahe ng Panginoon ng langit sa mga taong hirang. At sang-ayon
nga sa Banal na Tradisyon, ang Mahal na Birheng Maria, bilang
pagsunod at pagtatangi sa mahal na kaugaliang ito ng kanilang lahi,
ay nagsuot rin ng correa sa buo niyang buhay. Ang correa ng Mahal na
Birhen ay nagsisilbing malinaw na salamin ng malinis at busilak
niyang dangal at kapurihan.
 |
| Larawan ng pagpapakita ng Nuestra Señora dela Consolacion y Correa kina Sta. Monica at San Agustin. Mula kay: Ranz Joseph Villamil. |
Ang
Correa at sina Sta. Monica at San Agustin
At
bilang pagpapakita ng kanyang pagtatangi at pagpapahalaga sa mahal na
correa, ibinigay niya ito kay Sta. Monica, ang ina ni San Agustin
bilang sagisag ng pangako niyang kaaliwan noong mga sandaling si Sta.
Monica ay nasa malalim na kahapisan ng dahil sa pagkaliga ng landas
sa pananampalataya ng kanyang anak at ng kamatayan ng asawa niyang si
Patricio. Ito ay naganap noong hingin ni Sta. Monica sa Mahala na
Birhen na siya ay tulungan sa kanyan pangangailangan at aliwin na
kanyang kahapisan. Hiningi rin niya sa Mahal na Birhen na ipaalam na
kaya kung anong uri ng bihisan ang dapat niyang isuot sa kanyang
pagkabalo.
At ayon muli sa tradisyon,
ang Mahal na Birhen ay nagpakita kay Sta. Monica sa isang makalangit
na aparisyon, na nabibihisan ng damit panluksa at nabibigkisan sa
kanyang sinapupunan ng isang isang katad ng correa o sintas,
kumikislap sa makalangit na sinag at nalilibutan ng mga anghel sa
kalangitan. At buong katamisang sinabi ng Mahal na Birhen kay Sta.
Monica:
“Anak
ko, bayaan mo na ang sintas na ito na pinagpaging banal sa
pagkakabigkis nito sa aking sinapupunan na kung saan ang Verbo ay
naging tao, ay mapasaiyo bilang makabuluhang pangako ng aking
pag-ibig. Ibigkis mo ito sa iyong sinapupunan at huwag mong iwawaksi;
magkakaroon ka ng maalab na paghahangad na mapalaganap ang debosyong
ito sa kagalang-galang na correa sa karangalan ko; at ipinapangako ko
na ituturing ko bilang mga minamahal na anak ang sinumang makita ko
na nabibigkisan nitong mahal na sagisag, na magiging kahanga-hanga sa
buong mundo sa hinaharap. Pagkasabi nito agad na naglaho ang Mahal na
Birhen.
Taglay
ang labis na kaligayahan, isinuot ni Sta. Monica ang damit panluksa
at ibinigkis ang mahal na correa sa tagubilin ng Mahal na Birhen.
Agad siyang nagtungo kay San Ambrosio, Arsobispo ng Milan sa Italya,
na noon naman ay nangangaral at humihimok kay San Agustin na magbalik
sa Sta. Iglesia. Nagtungo din siya kay San Simpliciano, isang matalik
na kaibigan ni San Agustin. Isinaysay sa kanila ni Sta. Monica ang
mahimalang pagpapakita sa kanya ng Mahal na Birhen. Dahil naman sa
paggalang at paniniwala ng dalawa kay Sta. Monica, agad din nagbigkis
ang dalawa ng mahal na correa. Ang anak na babae ni Sta. Monica na si
Perpetua, pati na rin ng mga apo niyang sina Felicitas at Basilica ay
nagsuot din ng correa. Dito nakamit ni Sta. Monica ang pinakadakilang
kaaliwan ng makita niya ang anak niyang si San Agustin na di lamang
nagbalik-loob kundi nagpabinyag pa siya at piniling tahakin ang
landas ng pagpapakabanal.
 |
| Ang imahen ni Nuestra Señora dela Consolacion y Correa, Virgen Coronada na nasa Simbahan ng San Agustin, Pambansang Dambana ni Nuestra Señora dela Consolacion y Correasa Intramuros, Maynila. Ito ang pangunahing sentro ng debosyon ng Ina sa tag-uring ito sa bansa. |
Si
San Agustin ang naging pinakamasigasig na tagapagpalaganap ng
debosyong ito sa Mahal na Birhen bilang Nuestra
Señora
dela Consolacion y Correa na
kanyang ipinakilala at ipinayabong sa pamamagitan ng Orden ni San
Agustin (O.S.A.) o ang mga prayleng Agustino. Sa pamamagitan ng
debosyong ito, natupad ang wika ng Mahal na Birheng Ina ng Diyos -
“...at mula ngayon ako'y tatawaging mapalag ng salit-saling lahi.”
(Lc. 1:48)
Ang
Debosyon sa Birhen sa Parokya ni Santiago Apostol
 |
| Ang mga kasapi ng Cofradia kasama ang pangulo ng Sangguniang Pastoral ng Parokya ni Santiago Apostol. |
Ang debosyon sa Nuestra
Señora
dela Consolacion y Correa ay
dinala dito sa bayan ng Paombong sa Bulakan ng mga prayleng Agustino
may halos 400 taon na rin ang nakararaan. Noong taong 1988,
iprinoklama na ang taguring ito ng Mahal na Birheng Maria bilang
patronang
pandangal o
ikalawang patrona ng parokya. Bilang patronang
pandangal, kasunod
siya ng patronang
titular nito
na si Santiago Apostol na patron na simula pa noong matatag ang
simbahan ng Paombong noong 1619.
Sa
pagprorpoklama sa taguring ito ng Mahal na Birhen, lalong umaalab ang
pagdedebosyon ng mga mananampalataya ng Paombong. Unang itinayo sa
Simbahan ng San Agustin sa Intramuros, Maynila ang Cofradia
dela Nuestra Señora dela Consolacion y Correa sa
Pilipinas. Sa pahintulot ng Lubhang Kgg. Franciso dela Cuesta, D.D.,
Arsobispo ng Maynila, umusbong ang iba't ibang mga chapters
ng
Cofradia sa arkidiyosesis. Sa Bulakan, na noon ay sakop ng
arkidiyosesis, yumabong ang Cofradia sa mga bayan ng Paombong,
Balagtas, Barasoain at Malolos simula noong 1974.
Para
sa isang kasapi ng Confradia, pangkaraniwang gawain ang pagdarasal ng
Sto. Rosario at ng Coronilla ng Nuestra
Señora dela Consolacion y Correa araw-araw.
Nong
1971, pinamunuan ang Cofradia ng mga sumusunod:
Gng.
Agripina G. Reyes
Priora
Gng.
Maria Judith R. Sera Josef
Sub-Priora
Gng.
Victoria Villanueva
Secretaria
Gng.
Purificacion E. Gonzales
Tesorera
Sa
paglipad ng mga taon, tila nanlamig ang Cofradia gawa ng nagsiyao na
ang ilang kasapi. Subalit sa pangunguna nina Gng. Lucila Concepcion
at Gng. Visitacion Reyes, patuloy ang pagdalaw ng Nuestra
Señora dela Consolacion y Correa sa
bahay-bahay ng mga kasapi. Patuloy din ang pagpipista sa Mahal na Ina
tuwing unang Linggo ng Setyembre.
Noong Agosto 2009, muling
sumigla ang Cofradia sa pamamatnubay ni Rdo. P. Regino Asuncion (+),
na noon ay Kura Paroko ng Parokya ni Santiago Apostol. Ang mga
sumusunod ang mga nahirang na mamuno:
Gng.
Aida delos Reyes
Priora
Gng.
Visitacion E. Reyes
Sub-Priora
Gng.
Teresita B. Calayag
Kalihim
Gng.
Eugenia C. Pascual
Councilor
– Social Work
Gng.
Cresencia C. Lindayag
Councilor
– Liturgy
Gng.
Nida V. Basaysay
Councilor
– Formation
Noon naman taong 2013, ang
mga sumusunod ang hinirang na mamuno sa Cofradia sa pamamatnubay ni
Rdo. P. Prospero V. Tenorio na noon ay Kura Paroko ng Parokya ni
Santiago Apostol:
Gng.
Aida delos Reyes
Priora
Gng.
Visitacion E. Reyes
Sub-Priora
Gng.
Teresita B. Calayag
Kalihim
Gng.
Eugenia C. Pascual
Councilor
– Social Work
Gng.
Cresencia C. Lindayag
Councilor
– Formation
Gng.
Nida V. Basaysay
Councilor
– Liturgy
Dumadalo
ang Cofradia
dela Nuestra Señora dela Consolacion y Correa
ng Parokya ni Santiago Apostol sa Diocesan
Chapte at
nakikiisa sa mga gawain ng Vicariate
of the Orient
ng Orden ni San Agustin (O.S.A.) sa Simbahan ni San Agustin,
Intramuros sa Maynila. Sa kasalukuyan, patuloy ang masiglang
paghihimok at pag-aakit ng Cofradia sa mga mananampalataya na
pag-alabin ang pamimintuho sa kanya.
Nuestra
Señora dela Consolacion y Correa, ipanalangin
mo po kami.
Sta. Monica at San Agustin,
ipanalangin ninyo po kami.
Photo Courtesy: Cofradia dela Nuestra Señora dela Consolacion y Correa
Parokya ni Santiago Apostol
Poblacion, Paombong, Bulacan
Ranz Joseph Villamil
Parokya ni San Miguel Arkanghel
Poblacion, San Miguel, Bulacan
No comments:
Post a Comment