MINISTERYO: Ministry of Lectors and Commentators

Isang samahang nagpapahayag,

Salita ng Diyos ang ipinaiiral.
Tutulong upang ito'y maparangalan
at nang matutunan ng Sambayanang Banal.

  Ang Lectors at Commentators (LECCOM) ay binubuo ng mga pangkaraniwang mananampalataya sa Pambansang Dambana at Parokya ni Sta. Ana na mayroong bukod tanging layunin na maihatid ang Salita ng Diyos sa mga mananampalataya nang may buong puso at nang may matibay na pananalig sa Diyos. Ito ay isa lamang sa kanilang mga pamamaraan kung paano maging isang lingkod ng simbahan kahit sila ay mga layko lamang. Ito ay kanilang isinasagawa sa panahon ng pagdaraos ng Banal na Misa sa lahat ng oras, araw at sa mga panahon na maaring maisagawa ang pagdiriwang ng Banal na Misa.

Ang ilan sa mga nakatatandang miyembro ng Ministry of Lectors and Commentators kasama ang ilang masisipag na kabataang lektor. Kapansin-pansin sa harapan (ikatlo mula kanan at ikalawa mula sa kanan) ang Acting Publication Director, Gng. Consolacion T. Faundo at ang manunulat.

   Ang gampanin ng isang Commentator at Lector ay nakapaloob sa bahagi ng Banal na MIsa na kung tawagin natin sa wikang banyaga na “Liturgy of the Word”. Ang commentator ay siyang tagapanguna sa mga bawat pagsagot sa buong bahagi ng misa at ang mga Lector ang tagabasa ng mga Salita ng Diyos. Sa pamamagitan nila naihahatid ng malinaw at buong kaganapan ang mga pagbasa.

   Noon pang Dekada ‘80 ang grupo ng LECCOM ay nagpasimula na sa pangunguna ng dating Kura Paroko na si Rdo. Msgr. Jose B. Aguinaldo, P.A. at ito’y ipinagpatuloy pa ng mga sumunod na Kura Paroko sa paggabay nila sa mga nais na maging lingkod na nagpapahayag ng Salita ng Diyos sa mga mananampalataya.

Kasama sa gampanin ng isang Lektor o Commentator and paggamit ng kapangyarihan ng bibig upang ipahayag ang Salita ng Diyos at pagtulong sa pagtugon sa Misa.

   Humigit kumulang noon pang magpasimula ang LECCOM sa Pambansang Dambana ni Sta Ana ay nagkaroon na ito ng mga 190 na miyembro. Ang ilan ay pumanaw na at ang ilan naman ay dahil sa katandaan ay di na magawang makapaglingkod subalit sa puso’t isip nila ay nanduon pa rin ang marublod na pannanais na makapaglingkod. Gayunpaman marami naman ang pumapalit at nagnanais pang maging bahagi ng paglilingkod na ito dahil sa kanilang pananalig at pananmpalatayang mas higit silang napapalapit sa Diyos pag isa sila sa mga bumabasa ng Salita ng DIyos.

   Sa loob ng isang taon may dalawa hanggang tatlong beses na pagkakataon na nagsasagawa ang grupo ng isang banal na pagsasanay bilang LECCOM Leccom upang mas higit pang mapalalim ang relasyon sa Diyos bilang isang tagapaghatid ng mga Salita ng Diyos. Ito’y may layunin ding mas higit pang mapatibay ang kanilang pagnanais na makapaglingkod at pananampalataya bilang isang tunay na lingkod.

   Ang mga sagabal at balakid sa paglilingkod ay sadyang andiyan lamang tulad ng panahon sa Pamilya ay maaring nababawasan pero pwede naman isama ang pamilya sa paglilingkod nasa tamang paraan lamang ito ng pagsasagawa, di mo namamalayan ang pamilya ay nagnanais na ring maging isang lingkod. Ang pag-aaral at paghahanapbuhay ay maaari ding maging sagabal o balakid pero nasa tamang “planning” at “scheduling” lang naman iyan at syempre yung tinatawag nating “will” sa paglilingkod. Sabi nga, “If there’s a will there’s a way” di ba totoo naman? Pag gusto may paraan at pag ayaw maraming dahilan...

Sa pagiging kasapi ng Lectors and Commentators, bata man o matanda ay nabibigyan ng pagkakataon na makakilos at makibahagi sa misyon ng Simbahan na ipahayag ang Salita ng Diyos.

   Gaya ng nasabi ko ang paglilingkod dapat nasa puso at isipan, ang mga sagabal kayang labanan kung gugustuhin. Pwede namang hikayatin ang pamilya para maging lingkod o maging tagapakinig ng Banal na Misa. Sa ganoong paraan malaki pa rin ang panahon mo sa kanila. Katulad ko, dati di naman ako lingkod nagisisimba din lang ako kasama ng pamilya ko pero minsan sa pagdilat ng mata ko naglilingkod na rin ako.

Larawan ng mga kasapi ng LECCOM ng parokya sa kanilang Banal na Pagsasanay sa Mt. St. Paul Retreat House sa Benguet. Kasama nila si Rdo. P. John Michael G. dela Cruz na noo'y Katuwang na Pari sa parokya.

Photo Courtesy: Arvin Kim M. Lopez at John Martin Nabong (Pambansang Dambana at Parokya ni Sta. Ana)