SANGGUNIANG TANGING-URI: Sangguniang Pastoral ng Parokyang Misyon

Masugid na mga lingkod at tagapayo,

kaagapay ng Kura Paroko sa mga desisyon
sumusulong para sa pag-unlad ng Simbahan,
sa bawat parokya nananahan.

   Ang paglilingkod sa kapwa ay paglilikod sa Diyos”. Sa panahon ngayon hindi biro ang maglingkod sa kapwa. Nangangailangan ito ng ibayong pagmamahal at pagkalinga, tiyaga at pagsasakripisyo. Sapagkat aminin natin o hindi, ang mga taong may puso sa paglilikod lamang ang makagagawa nito. Sila yung mga taong hindi tumitingin sa estado ng pamumuhay ng mga taong dapat nilang tulungan, kalingain at paglingkuran. Ang paglilikod kung minsan ayt nangangahulugan din ng pag-aalay ng buhay tulad ng ginagawa ng ating Panginoon.

   Sa puntong ito, maiuugnay natin ang gampanin ng mga kapatid nating lingkod simbahan na Parish Pastoral Council ng Parokya ng Sta. Cruz. Ang bawat kasapi nito ay mga taong nagmula sa iba’t-ibang katayuan at larangan ng buhay na buong puso at walang pasubaling naglilingkod sa Panginoon sa pamamagitan ng pakikiisa sa mga programa at Gawain sa simbahan na kusang-loob Ang ilan sa mga kasapi nito ay mga dati at kasalukuyang guro ng naglingkod at naglilingkod sa kasalukuyan sa Paaralang Elementarya ng Sta. Cruz tulad nina Sis. Antonina S. Cruz, co-chairman at dating guro, Sis. Josephine Resultay, sekretarya, dating nagturo sa day care, Sis. Erlinda M. Bagtas, Ingat yaman at gurong kareretiro lamang. Sa pangunguna at pagsubaybay ng kasalukuyang Kura na si Rdo. P. Leopoldo S. Evangelista III, naririto naman ang kanilang mga kaagapay sa mga gampaning pansimbahan.

Ang pamunuan ng Sangguniang Pastoral ng Parokyang Misyon ng Sta. Cruz kasama si Rdo. P. Leopoldo Evangelista III, ang bagong Kurar Paroko.

Komisyon ng Liturhiya - Sis. Editha G. Agustin, midwife ng barangay
Komisyon ng Popular Devotion - Sis. Andrea SJ. Borja, masigaig na nangunguna sa mga pagdarasal at pagdedebosyon
Komisyon sa Social Action - Sis. Zenaida B Carlos, maybahay at aktibo bilang LECCOM
Komisyon ng Paghubog - Sis. Mylene B. Resultay, guro sa Elementarya
Komisyon sa Mass Media - Sis. Rosalie C. San Juan, guro sa Elementarya
Komisyon ng Kabataan - Bro. Luis G. Galman, lider ng Fishers of Men Choir
Komisyon ng Pamilya at buhay - Bro. Greg at Sis. Ella Nicolas, aktibong mananampalataya

   Sila ang mga taong walang sawang nag-aalay ng paglilingkod na walang katumbas na anumang bagay o salapi.

Photo Courtesy: Rosalie C. San Juan (Parokyang Misyon ng Sta. Cruz)