KILUSAN: Kilusang Marriage Encounter

Isang kilusang nagpapalakas,
sa buhay mag-asawang wagas.

Pagtalima, pag-ibig at katapatan ang ipinahahayag
upang mga pamilya'y manaig at umiral.

Ang Marriage Encounter at Kanyang mga Programa

   Bahagi ang Marriage Encounter (ME) bilang isang samahang pansimbahan na umiiral sa ilalamin ng Komisyon ng Pamilya at Buhay ng parokya. Ito ay isang komunidad ng mga mag-aasawa na naglalayong gabayan ang mga magulang sa mabuting pagpapalaki sa mga bata sa loob ng pamilya ayon sa turo at mabuting asal ng Simbahan at kaalinsabay ng pagpapatatag sa mga mag-asawa sa kanilang pagtupad sa mga sumpang kanilang ipinangako sa loob ng Sakramento ng Matrimonyo.

   Taliwas sa pananaw ng nakararami, hindi lamang ito nakasentro sa mga mag-aasawa sa parokya, bagkus ito ay nakasentro sa pamilya. Kaya naman maituturing na lahat tayo ay kabahagi sa organisasyong ito sapagkat bawat mananampalataya ay bahagi at galing sa isang pamilya.

   

   Ilan sa mga mahahalaga at konkretong programa ng samahan ay ang pagbibigay ng Pre-Cana Seminar sa mga layko na nagpasyang magpakasal sa simbahan. Ito ay upang maihanda ang mga mananampalataya na sa kanilang pagdulog sa Sakramento ng Kasal sila may sapat na kaalaman sa buhay mag-asawa na kanilang susuungin. Bukod dito sila sin ay may Post-Cana Program na kinapapalooban ng mismo ng ME Catholic Community kaalinsabay din ang pagsasagawa ng “Tipanan, Ugnayan, Mater Dei, Couples for Christ, PROLIFE Movement at iba pang covenanted programs sa ilalim ng Commission on Family and Life (CFL) .

   Sa kasalukuyan ang masiglang pamumuno ng ME sa Parokya ng Ina ng Laging Saklolo ay pinangungunahan nila G. Omar at Engr. Marina Sarmiento.

Sina G. Omar ang Gng. Marina Sarmiento, mga pangkasalukuyang tagapagtaguyod ng Marriage Encounter sa Parokya ng Ina ng Laging Saklolo.

Kasaysayan ng Marriage Encounter sa Parokya

   Simula ng balangkasin ang istratura ng Parokya ng Ina ng Laging Saklolo bilang pinakabatang parokya sa Bikarya ng Sta. Ana, naitatag ang Komisyon ng Pamilya at Buhay noong 1998. Sa pamamatnubay ni Rdo. P. Paul Samuel M. Suñga, sinumulan ang “Tipanan” na siyang naglatag ng panulukang pundasyon ng mga programang pam-parokya ukol sa mga mag-asawa . Ang pamumuno sa komisyon ay nagpasalinsalin . Sa pagdaan ng panahon ang Tipanan ay matagumpay na nakapagtaguyod ng 17 pa-klase. Subalit sa ilang mga kadahilanan, dahan-dahang nanamlay ang samahan. Subalit ang pamamahinga ay panadalian lamang, ito pala ay naganap para bigyang daan lamang ang isang pagpapanibago , pagpapanibagong magbibigay daan para sa isang mas maalab na programa para sa mga mag-asawa. At simula nga nitong 2012 sa ilalim ng pamumuno ni Rdo. P. Norberto F. Ventura , nahalal sa pamunuang CFL ang mag-asawang Omar at Marina Sarmiento na siyang nagbigay ng reporma sa komisyon. Sa kanilang panahon pormal na naitatag ang Marriage Encounter ng Ina ng Laging Saklolo na sa kasalukuyan ay mayron ng apat na paklase o batch na mayroong kabuuang bilang na 78 mag-asawa.

Sa ME, tulad sa iba't ibang family covenanted movements tulad ng Couples for Christ (CFC), binibigyan ng pagkakataon ang mga mag-asawa na magbahagi tungkol sa kanilang pagmamahal sa isa't isa at kung paano sila napapalapit sa Diyos sa kanilang pagsasama.

Kwento ng Pagtawag

   Sa kabila ng kasiglahan ng ME sa parokya , nakakatuwa ring silipin ang mga kwento ng inspirasyon kung paano tinatawag ng Diyos ang mga mag-aasawa sa loob ng komunidad na ito. Isa na nga rito ang kwento mismo ng kanilang taga pamuno na sina G. at Gng. Sarimiento. Ayon sa kanila, noong una ay marami nang kumukumbinsi sa kanila na maging miyembro ng samahan na buhat pa sa mga katrabaho ni Engr. Marina Sarmiento sa Munisipyo ng Hagonoy na miyembro din ng Santa Ana Marriage Encounter Catholic Community (SAMECC) at Sto. Rosario Marriage Encounter (SOROMAE) subalit silang mag-asawa ay patuloy na tumatangi hanggang sa napilitan din silang sumapi sa samahan subalit hindi lubos ang kanilang pagdalo sa mga pagtitipon sa kadahilanang hindi sila sanay sa mga gawain sa loob na Bible Studies na ginagawa sa mga pagtitipon ng ME. Dahil wala sa kanilang loob ang mga pagdalo, unti unting dumalang ang kanilang mga pagdalo hanggang sa ito’y natigil na hanggang sa isang di maipaliwanag na karamdaman ang dumapo kay Gng. Sarmient na nagbigay ng sensyales na sila ay tinatawag sa gawain ng pag-gabay sa mga mag-asawa sa loob ng ME. Gumaling si Gng. Sarmiento sa kanyang karamdaman at lalo nilang natiyak ang pagtawag sa isang misyong tumulong hubugin ang mga mag-asawa sa samahan ng ME nang sumailalilm sila sa isang Life and Spirit Seminar (LSS) dito nabago ang kanilang pananaw sa samahan and dating di lubos ang nagiong lubos at ganap.

Pananaw at Misyon ng Samahan

Larawan ng mga kasapi ng ME sa Parokya ng Ina ng Laging Sakolo matapos ang isang sharing at pagsasalu-salo.

   Ang samahan ng ME sa parokya ay tumatanaw sa isang panahon kung saan ang bawat mag-asawa sa loob ng parokya ay maabot ng mga katuruan at pamatnubay ng samahan nang sa gayon ang parokya ay may matatag na pamilya na siyang saligan ng pagkakaroon ng matatag na na silagan ng sambahayan ng Diyos hindi lamang sa Parokya ng Ina ng Laging Saklolo. Nais nito na lumaganap sa pambikarya at pandiyosesis na antas. Sa kasalukuyan patuloy ang paglago ng ME bilang isang kominidad at patuloy ang kanilang apostolado hindi lamang sa parokya kundi nakakapag-abot na rin sila ng mga tulong panimula sa malalayong parokya ng Diyosesis ng Malolos. Kasama sa kanilang misyon ang ipalaganap ang buhay mag-asawa na siyang gagabay sa pagkakaroon ng matibay na buhay pamilya at pagkakaroon ng mga anak na nahubog ayon sa turo ng simbahan nang sa gayon mayroon tayong matatag na sambahayan ng Diyos.

Photo Courtesy: Jun R. Acuña at Resty C. Galang (Parokya ng Ina ng Laging Saklolo) 

Page 4 of 5

Please press Older Posts for Page 5.