 |
| Vas Honorable G. John Andrew C. Libao |
Vas
Honorable
Si
Maria na sisidlan ng mabunying kabanalan ay puno ng bunyi’t bantog
at dakilang karangalan;palibhasa ang namugad sa malinis Niyang tiyan
ay ang Anak ni Bathalang sumakop sa daigdigan; Siya’y naging
gintong kalis at patena
naming buhay, na sa
dangal ay di kayang lalaun pa o pantayan; Siya’y Vas Honorabile na
batbat ng kagitingan, na nag-iwi sa Mesiyas sa mapalad na kandungan.
---o0o---
Ang
kalis at saka kupong lalagyan ng Lama’t Dugo ni Hesus sa Santa
Misa’y mamahaling mga ginto; bawat bagay na sa Ostya at Alak ay
nahihipo, kailangang maging “linen” at sisidlanf hindi tanso; si
Maria’y basong buhay ni Jesus na sakdal-amo, na higit sa mga kali
sang halagang ating tanto; lama’t dugo ng Mesiyas ay “liha ng
Kanyang puso,” kaya Siya ang sisidlang pinupuri nating lalo.
---o0o---
Ang
“sagradong mga baso’y” walang diwa’T walang bait,
datapwat konsagrado’t pina-banal na marikit; samantala,
itong Birhe’y nilalang na sakdal-linis, puso’t diwa’y
pinagyamang walang sala, walang bahid; sapul pa nang ipaglihi’y
kinonsagra siyang labis sa tungkuling pagdadala sa kay Jesus sa
daigdig; “mapalad ang tiyang banal at ang maahal Niyang dibdib na
kay Jesus ay nagdala’t nagpasusong buong tamis.”
---o0o---
Nang
sa Angel na bumati, sagot Niya’y isang “OO”, at nayag na maging
“Ina’y” . . . nahirang na siyang “baso”; natalaga Siyang
Esposa ng Espiritu Santo, at Inang nabantog ng Mesiyas nating
Jesukristo; ang ginto ng kanyang puso’y walang kupas na totoo, ang
pagibig na maalab ay hindi na magbabago; buhay Niya’y itinakdang
maging Ina nitong Kristo, kaya siya’y nadakilang kaiba sa buong
mundo.
---o0o---
Ang
kalis ay kakaiba sa karaniwang inuman, katulad ding ang pagano na
kaiba sa binyagan; bawat isa ng kristyano’y sisidlan ng karangalan,
na sa Binyag at sa Kumpil ay naukol sa Maykapal; sisidlan ng dugo’t
laman ni Jesus sa Pakinabang, taga-dala sa kay Kristo sa laot ng
pamumuhay; ako’t ikaw, katoto ko’y sisidlan na ubod-dangal at sa
atin namamahay si Jesus na Poong mahal.
---o0o---
Ang Kristiyanong nabubuhay ay sa mundo nagtitira, nguni’t hindi siya ari
nitong mundong palamara; maging isip niya’t diwa, damdamin ng
kaluluwa ay kaiba sa damdamin nitong mundong nagkasala; sa pagawa’t
pagtalima sa Utos ng Poong Ama tayong lahat na binyaga’y iniyukol
na talaga; sisidlan ng karangalan, ako’t ikaw, aking sinta, pugad
nitong Panginoong taos nating sinasamba.
No comments:
Post a Comment