PAGTINGIN/OPINION: San Pedro Calungsod: Halimbawa at Huwaran ng Kabataan

by: Joanna Marie S. Buensuceso
      Parokya ni San Juan Bautista

    Isang kabataang martir buhat ng kanyang pagtatanggol sa kanyang pananampalataya sa Diyos ang ating si San Pedro Calungsod. Isang kabataang sakristan at katekistang nagmula sa kabisayaan ang sumama sa misyon sa Guam kasama ang paring Heswita na si Beato Diego Luis de San Vitores noong taong 1672. Doon nila ipinalaganap ang Kristiyanismo sa pamamagitan ng pagbibigay ng mga sakramento at pagtuturo ng katesismo sa mga katutubong Chamorro. Dahil dito, marami sa mga katutubong ito ang naging binyagang Katoliko. Ngunti dahil sa mga maling paratang sa dalawang misyonero, sila ay kinitlan ng buhay sa tabi ng dalampasigan at itinapon sa dagat. Taong 2000, dahil pagsisikap na mailakad si Pedro Calungsod upang makasama sa hanay ng mga banal ng mga paring Heswita at ng Arkidiyosesis ng Cebu, itinanghal siya bilang isang Beato o “pinagpala” at hindi nagtagal ay itinanghal siya bilang isang Santo na ginanap noong ika-21 ng Oktubre taong kasalukuyan sa Vatican sa Roma.

Ang pagbisita ng Pambansang Imaheng pangperegrinasyon ni San Pedro Calungsod sa Diyosesis ng Malolos noong ika-6 ng Nobyembre. 

Ang iprinusisyong imahen ni San Pedro Calungsod na sinalubungan ng mga mag-aaral ng Immaculate Conception School for Boys (ICSB) habang dumadaan sa Paseo del Congreso, Malolos at mayroong mga matatanda na may dalang banderitas para sa pagdiriwang.

  Dahil sa mga himalang nagawa nitong ating kalahi, masasabi kong siya ay tunay na pinagpala at itinakda ng Diyos upang maging isang santo. Isang napakalaking karangalan para sa ating bansa na magkaroon ng ikalawang santong nagmula sa ating lipi. Sa ginawang pagtatanghal kay San Pedro Calungsod bilang santo, tunay na nagbunyi at nanabik tayong kanyang mga kababayan. Buhat sa mga paghahanda ng ating simbahan gayundin ng ating bayan, hindi kataka takang atin siyang ipinagmamalaki at dapat bigyan ng ating debosyon. Kung atin lamang nababatid, tunay na nakamamangha at nakapagbibigay inspirasyon sa ating mga kabataan ang kaniyang mga ginawa buhat noong siya ay nagsimulang maglingkod hanggang sa ngayon na siya ay isa nang banal lalu na sa mga kabataang katulad ko. At sa aking pansariling opinion, tama lamang na siya ay ikarangal n gating bayan sapagkat sa aking pananaw nagging isang huwarang tuna yang batang si pedro, hindi lamang ng kanyang panahon ngunit pati sa aking henerasyon. Tunay kang pinagpala kuya Pedro

Ang mainit at makulay na pagsalubong ng mga taga-Bulakan, mga mananampalataya ng Diyosesis ng Malolos para sa imaheng pangperegrinasyon ni San Pedro Calungsod.

    Naniniwala akong ngayong isa na siyang santo, tayo ay kaniya nang matutulungang ilapit ang ating mga dalangin sa ating Panginoon. Noon ngang hindi pa ang daming himala na ang kanyang nagawa, paano pa ngayong isa na siyang banal? Kaya San Pedro Calungsod, Ipanalangin mo kami!

Photo Courtesy: 

Christopher Arellano (Malolos Diocesan Commission on Social Communications)