Isang
tradisyon na sa mga mananampalataya at deboto ng Birheng Maria sa
Parokya ng Ina ng Laging Saklolo sa Hagonoy na bigyang parangal ang
Kalinis-linasang Paglilihi kay Maria bilang Virgen ng Inmaculada
Concepcion na siyang pintakasi ng Bansang Pilipinas at ng Diyosesis
ng Malolos. Ang nasabing pagdiriwang ng kapistahan ay bahagi sa
taunang programa ng parokya na ipagdiwang ang mga kapistahan ng
Birheng Maria bawat buwan sa kadahilanang si Maria ang patrona ng
parokya sa titulo ng Ina ng Laging Saklolo.
Sinimulan
ang parangal sa Mahal na Ina sa pamamagitan ng araw- araw na
pagnonobena noong ika-29 na araw ng buwan ng Nobyembre taong 2012 sa
ganap na ika-6 ng umaga na sinundan ng pagdiriwang ng Eukaristiya.
Tinalakay ni Rdo. P. Norberto F. Ventura, Kura Paroko, ang kadakilaan
ng Diyos sa paghirang kay Maria bilang instrumento ng paghahanda ng
panukala ng Diyos sa ikaliligtas ng sangkatauhan. Ayon sa kanya, sa
paglilihi sa kanya ni Sta. Ana, ang Ina ng Birheng Maria at Pintakasi
ng Bayan ng Hagonoy, pinuspos na si Maria ng pagpapala ng Maykapal sa
pagbubukod sa kanya sa pagmamana ng kasalanang orihinal mula sa ating
mga magulang na sina Adan at Eba.
Isa
sa mga araw ng nobenaryo ay natapat sa unang Miyerkules ng Buwan kung
saan ang mga deboto ni Maria at dumagsa sa parokya mula di lamang sa
mga baranggay sakop ng parokya, lalo’t higit ang pakikiisa ng mga
mananampalataya mula sa mga karatig parokya at bayan na animoy Misa
pang-Linggo ang kapal na taong nakibahagi sa pamimintuho sa Mahal na
Ina.Isang patunay ito na si Maria ay bahagi ng daloy ng buhay ng mga
deboto.
Disyembre
8, 2012, araw ng Kapistahan ng Virgen Inmaculada Conception, maaga pa
lamang ay dumagsa na ang mga deboto sa pangunguna ng Kapatiran ng Ina
ng Laging Saklolo ay inilabas sa parokya ang prusisyong parangal sa
Mahal na Birhen ng Inmaculada Concepcion. Matapos ang prusisyon,
idinaos ang Nobena sa karangalan ng Mahal na Ina. Ang pinakatampok ng
pagdiriwang sa araw na iyon ay ang pagdiriwang ng Banal na Misa kung
saan pinarangalan si Maria sa pagdakila sa Diyos sapamamagitan ng
makalangit ng pag-awit ng koro ng Gloria . Masasabing espesyal ang
naging pagdiriwang ng Misa sa kadahilanang ang mga pagbasa, salmo at
ebanghelyo sa misa ay sadyang patungkol sa kapistahan ng Inmaculada
Concepcion alinsunod sa ipinalabas na tagubilin ng Diyosesis ng
Malolos na gawing espesyal ang pagdiriwang sa Katedral ng Malolos
bilang sentro ng diyosesis na siyang simbahang nagdiriwang at sa mga
sako[p nitong simbahan na isang ginawa sa parokya ng Ina ng Laging
Saklolo bilang sakop nitong simbahan.
Sinasabing
nagsimula ang pagdiriwang ng Kapistahan sa Kalinis-Linisang Paglilihi
kay Maria noong idineklara ni Papa Pius IX ang doktrina ng Immaculada
Concepcion noong December 8, 1854. Pero bago pa nito, matagal
nang kinikilala at tinatanggap ng Simbahang Katolika ang mahalagang
papel na ginampanan ng Mahal na Birheng Maria sa pagkakatawang-tao ni
Jesus. Sinasabing ang pamimintuho ng mga Pilipino sa Virgen ng
Inmaculada Conception ay matanda pa sa mismong deklarasyon ng
doktrina nito. Matatandaan sa kasaysayan ng pagdating ng Kristyanismo
sa Pilipinas, isa sa limang barkong nakarating sa Pilipinas ay ang
Concepcion, ang pangalan ng Barko bilang parangal sa banal na
paglilihi sa Birheng Maria. Ito ay sumasalamin sa matindi at
malaganap na pamimintuho sa Mahal na Birhen ng Inmaculada Conception
dahilan sa di mabilang ang mga kapilya, parokya, diyosesis ,
arkediyosesis ang ipinangalan sa titulo ng Inmaculada Concepcion
bilang Patrona . Isa na mga dito ang ating diyosesis, ang Diyosesis
ng Malolos na nagtagalay ng ganitong titulo.
Ang
pagdiriwang ng Dakilang Kapistahan ng Paglilihi kay Maria ng walang
bahid ng kasalanang orihinal ay sumasalamin ay pagnanais ng bawat
mananampalaya na matularan ang kanyang mga halimbawa at pagnanais na
maiwaksi ang kasalanan patungo sa wagas na kabanalan.
Mahal na Birhen
ng Inmaculada Concepion,
Ipamagitan mo po kami. Amen.
Photo Courtesy: Jun R. Acuña (Parokya ng Ina ng Laging Saklolo)
No comments:
Post a Comment