MESSAGES: MEMBERS - KAPATIRAN NG KAPARIANG TAGA-HAGONOY, INC.

Opisina ng Kura Paroko at Rektor

Parokya at Pambansang Dambana ng Banal na Puso ni Hesus

Cruz na Daan, San Rafael, Bulacan

     Sa aming kapatid na pari na si Fr. Teng na pinarangalan ng Santo Papa na maging Papal Chaplain, na ngayon ay tatawagin na bilang Msgr. Vicente Manlapig, ipinapaabot ko po ang aking pagbati. Ang paghanga sa iyo ng iyong mga kapatid na pari, una dahil sa ika-50 taon mo bilang isang pari at pangalawa sa parangal na ipinagkaloob sa inyo, kami pong mga nakababata mong mga kapatid na pari ay tunay na nagagalak, na tumatanaw sa iyo bilang inspirasyon at uliran sa aming pagkapari. Si Fr. Teng ay hindi naman perpektong pari, hindi rin siya perpektong tao, ngunit siya ay isang napakatiyaga at napakapasensyosong kapwa-pari at kapwa-tao. Malalim kasi ang kanyang pinagkukuhanan sa kanyang pananampalataya. Kaya naman sa pagkakataong ito, nais kong ring batiin ng congratulations ang ama at ina ni Fr. Teng na humubog sa inyo bilang mabuting tao at mabuting halimbawa sa iyong mga kapaw-pari. Sana makahikayat pa po kayo ng ating mga kababayang kalalakihan na magpapari at tulad ninyo ay maging mabuting pari.

Rdo. P. Vicente Burayag Lina, Jr.

Pangulo

Kapatiran ng Kapariang Taga-Hagonoy, Inc.

Opisina ng Kura Paroko 
Parokya ng Nuestra Señora del Carmen

Barasoain, Malolos City

Kabayan Teng,

Purihin ang Panginoon na naggawad sa iyo ng buhay at humirang sa iyo upang ikaw ay maging kanyang PARI.

Happy Golden Sacerdotal Anniversary, Rev. Fr.Teng!

     Limampung taon ka nang pari. Limampung taon naging mabuting pari ni Kristo. Iyan ay pagpapala ng Diyos. At sa pamamagitan mo ay nagkamit ng pagpapala at biyaya ang mga tao mula sa Diyos. Tunay nga dahil kay raming taong iyong nabinyagan. Kay raming taong iyong nabigyan ng pagpapatawad sa ngalan ng Panginoon. Kay raming taong napagtibay mo sa kanilang pag-iisang dibdib. Kay raming maysakit na iyong pinuntahan upang pahiran ng langis. Kay raming misa ang iyong ipinagdiwang kasama ng sambayanan at kay raming taong iyong binigyan ng komunyon. Kay raming tao ang nakarinig ng Mabuting Balita ng Diyos sa pamamagitan mo. Naging “channel” ka ng pagmamahal at grasya ng Panginoon. Kaya nararapat lang na gawaran ka ng “papal award” bilang Monsginor.

Congratulations Msgr. Teng Manlapig.

    Nawa ay lagi kang pagpalain ng Diyos upang nagging pagpapala ka sa kanyang bayan.

Rdo. Msgr. Angelito Juliano Santiago, H.P.

Parokya ng Nuestra Señora del Carmen

Barasoain, Malolos City

Opisina ng Kura Paroko 

Parokya ni San Agustin ng Hippo

Baliwag, Bulakan

Kabayan Teng,

Maligayang bati sa iyong Ginintuang Taon bilang alagad ng Diyos! Mabuhay ka, Kabayan!

     Matindi ang iyong mga pinagdaanang pagsubok, mabigat na krus ng paglilingkod na ipinasa sa iyo ng Panginoon. Mahaba ang paglalakbay sa daan ng pag-akay at pamumuno sa mga taong ipinagkatiwala sa iyo ng ating Pastol. Maraming sugat ang iyong tiniis at malakas ang bagyong iyong sinuong – subalit ikaw ay nakalampas at nakatagumpay! Sa awa at tulong ng ating Panginoon! Purihin ang Diyos! Kaya, Kabayan Teng, ikaw ang aming inspirasyon at lakas-loob! Sana kami rin ay sumapit sa iyong tagumpay! Saludo kami sa'yo!

Rev. Msgr. Enrico Saguinsin Santos, H.P.

Kura Paroko

Parokya ni San Agustin ng Hippo

Baliwag, Bulacan

Opisina ng Kura Paroko

Parokya ng Sto. Cristo

Marulas, Valenzuela City

    Si Msgr. Teng ay isang laging huwaran dahil siya ay umabot ng ganoong katagal na taon sa pagpapari at sa kanyang pagpupunyagi at katapatan sa kanyang paglilingkod sa Panginoon. Kaya naman ang kanyang naabot ay kahanga-hanga at dapat na pamarisan, lalo na nang mga pari na naglilingkod sa Panginoon. Kaya naman ang aking puspos na pagbati sa kanyang ginintuang anibersaryo sa kanyang pagpapari.

Tues Sacerdos Magno!

Rdo. Msgr. Ranilo Santos Trillana, P.C.

Bikaryo Episkopal

Katimugang Distrito, Diyosesis ng Malolos

Office of the Parish Priest

Parish of Our Lady of Mt. Carmel

Pulong Buhangin, Sta. Maria, Bulacan

Dear Msgr. Teng,

Greetings of Peace!

    I believe that at this moment in your life you can humbly declare with St. Paul, "I have fought the good fight, I have finished the race, I have kept the faith..." (2 Tim. 4:7) May the Good Lord continue showering you with His love! A blessed Golden Sacerdotal Anniversary!

Rev. Fr. Elmer Roque Ignacio

Parish Priest

Parish of Our Lady of Mt. Carmel

Pulong Buhangin, Sta. Maria, Bulacan

Sta. Monica Learning Center

Sto. Niño, Plaridel, Bulacan

Kabayan Msgr. Manlapig,

Maligayang bati sa iyong pagdiriwang ng ika-50 taon ng iyong pagkapari.

     Nawa ang maraming taon ng paglilingkod mo sa Diyos sa katauhan ng ating mga kapwa sa sambayanan ng Diyos ay maging puno't dulo ng iyong buhay na iyong kaligayahan sa kabila ng lahat ng pagsubok.

Muli, maligayang pagbati! Happy Golden Sacerdotal Anniversary!

Bumabati ng may kagalakan,

Ang iyong kabayan,

Rdo. P. Bartolome Saguinsin Bernabe